კრიშტიანუს ირგვლივ შავი პიარის აგორება, მადრიდისტებისათვის და პორტუგალიელებისათვის უცხო ხილი ნამდვილად არაა.უკვე შევეჩვიეთ იმ ფაქტს, რომ ფეხბურთელის დამცირებას, სხვადასხვა ადამიანები თუ ორგანიზაციები არ ერიდებიან.

ამჯერად, რონალდუს თანმემამულეების აღფოთება გამოიწვია „პეპსის“ სარეკლამო სურათებმა, რომელიც ინტერნეტში სტოკჰოლმში გასამართი ორთაბრძოლის წინ გამოქვეყნდა.როგორც ხედავთ, მსოფლიოში საკმაოდ სოლიდურმა ბრენდმა, ერთ ფოტოში, რონალდუს გამოსახულებიანი თოჯინა ლიანდაგს მიაჯაჭვა, მეორეში მის მხრებს „პეპსის“ ქილა დაადგა, ხოლო მესამეში ჭიკარტებით დასერა.

ყოველივე აღნიშნულმა პორტუგალიაში ისეთი ვნებათა-ღელვა გამოიწვია, რომ „პეპსიმ“ ერთ-ერთ სოციალურ ქსელში ბოდიშიც კი მოიხადა: „არასოდეს გვიფიქრია, რომ სპორტის რომელიმე წარმომადგენელი ნეგატიურ კონტექსტში მოგვეხსენიებინა.სამწუხაროდ, სურათებმა ადამიანებში ორაზროვნება გამოიწვია, რის გამოც, მათი წაშლა იგეგმება.“