El Clásico - ესპანურად კლასიკას ნიშნავს(საფეხბურთო კლასიკა). ეს დაპირისპირება სრულიად განსხვავდება ყველა დანარჩენისაგან. სამხრეთ ევროპელები მას სამოქალაქო დაპირისპირებადაც მოიხსენიებენ, რომელსაც საფეხბურთოს გარდა, პოლიტიკური დატვირთვაც ახლავს თან.
კატალონიელები - კასტილიელების წინააღმდეგ.

El Clásico - ფეხბურთის გულშემატკივართათვის ნამდვილი სამოთხეა. მსოფლიოს ორი საუკეთესო კლუბის დაპირისპირება. ათწლეულების მანძილზე ისეთმა დიდმა ფეხბურთელებმა მიიღეს მასში მონაწილეობა როგორიც არიან : ბერნაბეუ, ალკანტარა, სიმიტიერ, დი სტეფანო, პუშკაში, ხენტო, სეზარი, სუარესი, კუბალა, ფუსტე, ფირი, კრუიფი, მარადონა, ბუტრაგენიო, სანჩესი, ბაკერო, ლაუდრუპი, შუკერი, რაული, ზიდანი , კასილასი, რივალდო, რომარიო, კოემანი, გვარდიოლა, სტოიკოვიჩი, ჰაჯი, ფიგუ, რონალდო, ბექემი, რონალდინიო, ხავი, ინიესტა, იერო, კრიშტიანო, კარლოსი, , მესი.
მადრიდი და ბარსელონა ესპანეთის ორი უდიდესი და უმდიდრესი ქალაქია. პირველი მათგანი სრულიად ესპანეთის სახეა, ხოლო მეორე - კატალანიზმის საამაყო წარმომადგენელი.

გადავინაცვლოდ წარსულის (1902–1916) წლებში. ამ პერიოდში ზემოხსენებულ კლუბებს შორის საკმაოდ თბილი და მეგობრული ურთიერთობა სუფევდა. მაშინ არ არსებოდა ლა ლიგა , ამიტომაც ისინი ერთმანეთს სათასო შეხვედრებზე ხვდებოდნენ, ან ამხანაგურ მატჩებს მართავდნენ. მაშინდელი ''რეალის'' მოსიხლე მტერი იყო მადრიდის ''ატლეტიკო'', ხოლო ''ბარსასი'' – ''ესპანიოლი''

ისმის კითხვა, რა გახდა ასეთი დაპირისპირების მიზეზი ?

სამარადისო მტრობის დასაწყისი 1916 წელი, ''რეალი'' - ''ბარსა'' ერთმანეთს ესპანეთის თასის ნახევარფინალში დაუპირისპირდნენ

დიახ, ყველაფერი 1916 წელს დაიწყო. ესპანეთის ორი ყველაზე ტიტულოვანი კლუბი თასის ნახევარფინალში დაუპირისპირდა ერთმანეთს. მატჩი ორ ეტაპად იმართებოდა, იგივე პრინციპით, რაც დღეს: შინ და სტუმრად. განსხვავება ის იყო, რომ სტუმრად გატანილ გოლს არ ენიჭებოდა უპირატესობა. დღევანდელობასთან რომ შევადაროთ, არსებობდა tiebreak – ის პრინციპი, რაც გულისხმობდა შემდეგს : თუ ერთი გუნდი სახლში თამაშს მოიგებდა და შემდეგ სტუმრად წააგებდა, ინიშნებოდა გადათამაშება. მატჩი კი გაიმართებოდა იმის მოედანზე, ვისაც უკეთესი ბურთების შეფარდება ჰქონდა.

სწორედ ასე მოხდა ჩვენს შემთხვევაშიც. პირველი მატჩი გაიმართა კატალონიაში სადაც მასპინძლებმა 2–1 იმარჯვეს. საპირისპიროში კი 1–4 დათმეს. გადათამაშება გაიმართა სანტიაგო ბერნაბეუზე. სტადიონზე არნახული დაძაბულობა შეიმჩნეოდა. გულშემატკივარი გაბადრული ადევნებდა თვალს მატჩის მსვლელობას. თამაში საოცრად წარიმართა და 4–4 მორჩა. რეფერიმ დანიშნა პენალტების სერია, სადაც გამარჯვება სამეფო კლუბს დარჩა. ''სანტიაგო ბერნაბეუ'' ზეიმობდა, სრულიად კატალონია კი შოკში იყო. მათი განცხადებით, ''რეალმა'' არასამართლიანად მოიგო, მსაჯის დახმარებით.
სწორედ ამით დაიწყო ყველაფერი. ფეხბურთელებმა და ხელძღვანელობამ შეიზიზღეს ერთმანეთი. მეგობრული ურთიერთობა მტრობამ შეცვალა, რომელიც დღემდე გრძელდება.


ფინალში ''რეალი'' ''ატლეტიკოს'' დაუპირისპირდა და 0–4 წააგო. ფეხბურთელები ავტობუსისკენ გაემართნენ,რათა შინ გამგზავრებულიყვნენ და რა სურათი დახვდათ. გამწარებული კატალონიელი გულშემატკივრები ქვებს ესროდნენ ავტობუსს. ისინი ამით აპროტესტებდნენ უსამართლობას. დაცვის დახმარებით, ფეხბურთელებმა ძლივს გააღწიეს შემთხვევის ადგილიდან.


სწორედ 1916 წლიდან იღებს ასეთი მტრობა სათავეს. კლუბებს შორის დაპირისპირება ხალხის დაპირისპირებაში გადაიზარდა, რომელიც დღემდე გრძელდება.


ხალხთა შორის დაპირისპირების პიკმა ოცდაათიან წლებში მიაღწია, როცა გენერალმა ფრანკომ კატალონიის პრეზიდენტი დააპატიმრა. ''ბარსას'' კი ეროვნული დროშის გამოყენება აეკრძალა. 1939 წლის აპრილში ფრანკო სახელმწიფო სათავეში მოვიდა და კატალონიელებს მაქსიმალური შეზღუდვები დაუწესა. მათ საკუთარ ენაზე მეტყველებაც ეკრძალებოდათ.





ლა ლიგაში 166 შეხვედრა. 32 - მატჩი ფრედ დასრულდა.


კოპა დელ რეიზე 32-შეხვედრა . 7 მატჩი ფრედ დასრულდა

მადრიდის ''რეალი'': 11 გამარჯვება, 62 გოლი
კატალონიის ''ბარსელონა: 14 გამარჯვება 62 გოლი

კლუბები ყველა ტურნირზე ერთად სულ 224-ჯერ შეხვდნენ ერთმანეთს, საიდანაც 90-ჯერ მადრიდელებმა იმარჯვეს და გაიტანეს 378 გოლი, კატალონიელებმა 86-ჯერ იმარჯვეს და გაიტანეს 361 გოლი, 48 - მატჩი ფრედ დასრულდა.













მესის რეკორდი
მესის ექნება შესაძლებლობა გახდეს ელ კლასიკოს ყველადროის საუკეთესო ბომბარდირი.

გადავავლოთ თვალი სურათებზე აღბეჭდილ ელ კლასიკოებს

დაუვიწყარი მატჩები Real Madrid VS Barcelona

������� dle 10.1������� ������� ������