გამოცემა „მარკა“ ფაბიო კანავაროს დაუკავშირდა, რომელიც სხვადასხვა წლებში იცავდა, როგორც „იუვენტუსის,“ ასევე „რეალის“ ღირსებას.

- ვის ქომაგობთ მომავალ დაპირისპირებაში?
- მნიშვნელოვანია, რომ ორივე გუნდი გავიდეს შემდეგ ეტაპზე.ანჩელოტის „რეალის“ გარდაქმნას აპირებს და ამისათვის დრო ესაჭიროება, რაც შეეხება „იუვეს,“ 2 ბრწყინვალე სეზონის შემდეგ, მათ რაღაც აკლიათ.

- რომელ გუნდს განიხილავთ ფავორიტად?
- გამოცდილებიდან გამომდინარე გიპასუხებთ, რომ ასეთი ტიპის მატჩებში ფავორიტი არარსებობს.

- რაში მდგომარეობს „იუვეს“ მთავარი საფრთხე?
- ვფიქრობ, მათ ერთ-ერთი საუკეთესო ნახევარდაცვითი ხაზი ჰყავთ - პირლოს, პოგბასა და მარკიზიოს სახით.

- „რეალი“ არცთუ ისე სახარბიელო მომენტს განიცდის...
- რთულია, როდესაც ცუდი სტარტი გაქვს, თუმცა სეზონი საკმაოდ გრძელია.მოურინიოს წასვლის შემდეგ, ყველა გუნდს ურთულდება ცხოვრება, რამეთუ დიდი სამუშაოების ჩატარებაა საჭირო.

- როგორ ფიქრობთ, იოზილის წასვლამ ზიანი მიაყენა მადრიდელთა შეტევით პოტენციალს?
- ალბათ, სირთულეს წარმოადგენს ისეთი მოთამაშეების მოძიება, როგორებიც იოზილი და იგუაინი არიან, თუმცა კლუბს ბეილის მოყვანა სურდა.

- „ბლანკოსი“ საჭიროებდა ბეილს?
- ის შესანიშნავი ფეხბურთელია.შესაძლებელია კლუბს უფრო შემოქმედი მოთამაშე ჭირდებოდა, ვიდრე სწრაფი.

- თქვენი ფავორიტი ჩემპიონთა ლიგაზე?
- ერთი ფავორიტი არ მყავს.„ბაიერნი,“ „ბარსელონა“ და „რეალი.“

marca.com������� dle 10.1������� ������� ������