მას შემდეგ, რაც დეპორტივოსთან მატჩის დასრულებისთანავე კაკამ განაცხადა, რომ სამეფო კლუბს ტოვებს, პრესა აჭრელდა, ბრაზილიელს რამდენიმე კლუბს უკავშირებენ, მაგრამ როგორც ჩანს მართლაც ყველა გზა მილანში მიდის...

„როსონერი“ არის ის კლუბი სადაც რიკარდო კაკამ ოქროს ბურთის მოგება შეძლო, რამდენიმე სეზონი უმაღლეს დონეზე ჩაატარა და იტალიური გიგანტის უდავო ლიდერი გახდა, მის გარეშე კარლო ანჩელოტის გუნდი წარმოუდგენელი იყო (მაშინ მილანი სწორედ ამჟამინდელ რეალის მწვრთნელს ებარა).

კაკა იყო San Siro-ს გმირი, მან იტალიაში მოიგო ყველაფერი რისი მოგებაც კი შეიძლებოდა და ის მას ძალიან აფასებენ, აქედან გამომდინარე ყველაზე დიდი შანსი სწორედ მილანს აქვს, თანაც ადრიანო გალიანი ღიად აფიქსირებს, რომ ფლორენტინო პერესთან მოლაპარაკებები მიმდინარეობს.

ბრაზილიელ გამთამაშებელს ამჟამად 10 მილიონი ევრო აქვს ხელფასის სახით, იტალიაში კი 4 მილიონით ნაკლებს მიიღებს, მაგრამ კაკა ყველაფერზე თანახმაა, მისთვის მთავარი სათამაშო პრაქტიკა გახლავთ, რადგან თვლის, რომ კარიერის დასრულებამდე კიდევ რამდენიმე წელიწადს ითამაშებს მაღალ დონეზე.������� dle 10.1������� ������� ������