"ტოტენჰემის" ნახევარმცველის გარეთ ბილის დებიუტი მადრიდის "რეალის" შემადგენლობაში შეიძლება ხუთშაბათს, ამხანაგურ მატჩში "დეპორტივოს" წინააღმდეგ შედგეს, იტყობინება Marca.

შეგახსენებთ, რომ უელსელი ვარსკვლავი უკვე ესპანეთში იმყოფება, სადაც ის "სამეფო კლუბის" პრეზიდენტთან, ფლორენტინიო პერესთან შეხვედრას ელის, რათა "ტოტენჰემიდან" ტრანსფერის საბოლოო დეტალები შეათანხმონ. 24 წლის ნახევარმცველი შეიძლება ყველაზე ძვირადღირებულ ფეხბურთელად იქცეს, მსოფლიო ფეხბურთის ისტორიაში.

ინფორმაციის თანახმად, კონტრაქტზე ხელმოწერის ცერემონია და პრეზენტაცია მადრიდში სამშაბათს ან ოთხშაბათს გაიმართება, მეორე დღეს კი ბეილი შეიძლება მატჩის განაცხადში მოხვდეს და ახალი კლუბის მაისურიც მოირგოს.

გარეთ ბეილი "ლონდონის "ტოტენჰემში" "საუნთემპთონიდან" გადავიდა, 2007 წელს. საერთო ჯამში, ბეილმა ლონდონელების შემადგენლობაში 203 მატჩი ჩაატარა და გაიტანა 55 გოლი.������� dle 10.1������� ������� ������