მადრიდის "რეალის" და "გრანადას" ხელმძღვანელები მატჩის წინ ტრადიციულად ერთად ისადილებენ. მაგრამ ამავე დროს ისინი მნიშვნელოვან თემაზე ისაუბრებენ: "გრანადას" მარცხენა მცველის, გილერმე სიკუერას შესაძლო ტრანსფერზე. ეს დღე გადამწყვეტი იქნება ბრაზილიელისთვის.

სატრანსფერო ფანჯრის დახურვამდე ერთი კვირა დარჩა და როგორც ჩანს, თუ სიკუერამ გუნდი დატოვა, ის მხოლოდ მადრიდის "რეალში" გადავა. "ბლანკოსი" ძალიან არის დაინტერესებული ფეხბურთელით, მაგრამ განსახილველი რჩება: მოთამაშის ხელფასი, ასევე დენის ჩერიშევის არენდა.

"სამეფო კლუბს" სურს ტრანსფერში რომელიმე კანტერანოს ფეხბურთელი ჩართოს, მაგრამ "გრანადას" ხელმძრვანელობას ამ ტრანსფერის განხორციელება სხვა ფეხბურთელის გარეშე სურთ. ფრორენტინიო პერესსა და კიკე პინოის შორის კარგი ურთიერთობა, აუცილებლად ითამაშებს გარკვეურ როლს ტრანსფერში.

სიკუერას "ბერნაბეუზე" გადმოსვლა მადრიდის "რეალს" ამ სეზონშივე სურს. კოენტრაუს წასვლის დიდი სურვილის გამო, "სამეფო კლუბს" აუცილებლად ესაჭიროება მარცხენა მცველი. გასაგები მიზეზების გამო, კარლო ანჩელოტის არ სურს მარსელო ერთადერთი იყოს მარცხენა მცველის პოზიციაზე.

"გრანადამ" უკვე უარყო "ლივერპულის" შეთავაზება, რომელიც 4 მილიონ ფუნტს იხდიდა. ამავე დროს, სიკუერა დღევანდელი მატჩის განაცხადში არ შედის.