ეტყობა გარეთ ბეილის "მადრიდის რეალში" გადმოსვლის საკითხი მართლაც რომ საათების ამბავია.

Daily Star-ი აქვეყნებს ექსკლუზიურ ინფორმაციას, რომ "ტოტენჰემი" სასწრაფო წესით იწყებს ბეილის შემცვლელის ძიებას, ვინაიდან როგორც ჩანს, მათი გეგმა, რომ გარეთ ბეილი მინიმუმ ერთი წლით შეენარჩუნებინათ, ხელიდან ეცლებათ.

საუბარი მიდის არგენტინელ ნახევამრცველ პასტორეზე, რომელიც "პსჟ"-ს ორი წლის წინ "პალერმოდან" გადმოყვანისას 36 მლნ. ფუნტი დაუჯდა.

მიუხედავად იმისა, რომ "სპურსის" ხელმძღვანელები და მთავარი მწვრთნელი მონდომებით ამტკიცებენ, რომ უელსელი წელს მათთან იქნება, ისინი აქტიურად შეუდგნენ მუშაობას მის შესაძლო შემცვლელთან დაკავშირებით.

ყოფილი "ტოტენჰემის" ბოსი დავიდ პლიტი ამბობს: "ისინი საუბრობდნენ 50 ან 60 მლნ. ფუნტზე წინა წელს."

"ეხლა ეს შეიძლება 100 მლნ ფუნტამდე გაიზარდოს."

"ამ მაჩვენებელს კი თვით "ტოტენჰემიც", რომელიც თავს იკლავს და ინარჩუნებს ბეილს, იძულებული გახდება, რომ შეხედოს და განიხილოს იგი. არ მესმის, როგორ უნდა თქვა ამ თანხაზე უარი? თვით "მანჩესტერ იუნაიტედმა" ვერ თქვა უარი ამ ოდენობის თანხაზე, როცა რონალდუს გაყიდვაზე მიდიოდა საუბარი."