ფლორენტინო რაიო ვალეკანოს ხელმძღვანელობას შეხვდება
რაიო ვალეკანოს ანტონიო ადანის შეძენა სურს და მზადყოფნას გამოთქვამს მოლაპარაკებების მაგიდაზე ეს საკითხი გადაწყვიტოს. გავრცელებული ინფორმაციის თანახმად ორი მადრიდული გუნდის ხელმძღვანელობებს შორის შეხვედრა მოხდება, სადაც ესპანელი მეკარის საკითხი განიხილება...
ფაქტია, რომ ანტონიოს რეალში შანსი არ აქვს, იგი ამჟამად მესამე მეკარის სტატუსით სარგებლობს და ვერანაირ კონკურენციას ვერ უწევს დიეგო ლოპესსა და იკერ კასილასს, აქედან გამომდინარე უმჯობესი იქნება თუ იგი კლუბს დატოვებს, ამას ემატება ისიც, რომ ანტონიოს საუკეთესო წლები სათადარიგოთა სკამზე ჯდომას მიაქვს.
ჯერ-ჯერობით უცნობია თუ რა თანხაზეა ლაპარაკი, ასევე არ ხმაურდება ტრანსფერის დეტალები, ახალი კონტრაქტის ვადა, ჰონორარი და ასე შემდეგ, როგორც ჩანს ყველაფერი პრეზიდენტთან შეხვედრისას გაირკვევა.
ჯერ-ჯერობით ასევე უცნობია თავად ადანის პოზიცია, რომელიც ამჟამად საფრანგეთში იმყოფება „ბლანკოსთან“ ერთად და ლიონთან გასამართ შეხვედრაზე ფიქრობს.
- 24 ივლისი 2013
- 1570
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
