მოგეხსენებათ, გონსალო იგუაინის იტალიურ ნაპოლიში ტრანსფერს წინ აღარაფერი უდგას, არგენტინელი მოთამაშე სავარაუდოდ 2-3 დღეში გახდება ოფიციალურად ბენიტესის შეგირდი. თუმცა ვრცელდება ინფორმაცია, რომ იტალიელები გაჩერებას არ აპირებენ და მადრიდელებთან ფაბიო კოენტრაოსთან დაკავშირებითაც სურთ საუბარი...

Corriere Dello Sport-ის ინფორმაციით ნაპოლი მთლიანად აპირებს ედისონ კავანიში მიღებული თანხის დახარჯვას, სამაგიეროდ იტალიელები ადგილობრივი ჩემპიონატის მოგებისთვის იბრძოლებენ.

სამხრეთ იტალიელთა ახალი სამიზნე ფაბიო კოენტრაო გახლავთ, გონსალო იგუაინის შეძენით შემდეგ ისინი პორტუგალიელი ფეხბურთელის შეძენაზე გაამახვილებენ ყურადღებას. რაფაელ ბენიტესი ფიქრობს, რომ კოენტრაოს შესანიშნავად შეუძლია თამაში როგორც დაცვის მარცხენა ფლანგზე, ასევე ნახევარდაცვაშიც და იგი გარემარბის ფუნქციებსაც ხშირად შეითვისებს.

ნაპოლის და რეალს ერთმანეთთან ბრწყინვალე სატრანსფერო პოლიტიკა ჩამოუყალიბდათ, ესპანური გიგანტიდან იტალიას უკვე მიაშურეს რაულ ალბიოლმა და ხოსე კალეხონმა, დღე-დღეზე დადასტურდება პიპიტას ტრანსფერიც, აქედან გამომდინარე არ არის გამორცხული, ფლორენტინო პერესმა კოენტრაოც ხსენებულ გუნდში მიავლინოს.������� dle 10.1������� ������� ������