პერესი: ”რონალდო კარიერას რეალში დაასრულებს”
ფლორენტინო პერესმა გამომცემლობა L'Equipe-თან რონალდოს მომავალზე ისაუბრა.
”კრიშტიანო მსოფლიოს საუკეთესო ფეხბურთელია და რეალს ძალიან გაუმართლა, რომ ასეთი მოთამაშე ჰყავს. ჩვენ მისი შეძენის მსურველებისაგან შემოთავაზება არ მიგვიღია და რომც მიგვეღო უარით გავისტუმრებდით. დარწმუნებული ვარ რონალდო კარიერას რეალში დაასრულებს.”
”როდესაც კარლო რეალში მოვიდა, პსჟ-ს ხელმძღვანელობასთან პირობა დავდეთ, რომ ფეხბურთელებს არ შევეხებოდით. შესაბამისად არც ვერატი და არც იბრაჰიმოვიჩი რეალში არ გადმოვლენ. არ ვიცი რა მოხდება 2 წლის შემდეგ, მაგრამ უახლოესი ერთი წლის განმავლობაში ასე იქნება.”
”მოუთმენლად ველოდები სეზონის დასაწყისს, ვფიქრობ ანჩელოტის სისტემა კარგად მოერგება მადრიდის რეალს და ზოგადად იმ შემადგენლობას, რომელიც ახლა გვყავს.”
”ძალიან მიხარია, რომ ზიდანი ანჩელოტის ასისტენტია. ზიზუს განსაკუთრებული თვალი აქვს, მას ტალანტების აღმოჩენა შეუძლია. ასე იყო რაფაელ ვარანის შემთხვევაში. მისივე რეკომენდაციით შევიძინეთ ისკო და ილარამენდი. დარწმუნებული ვარ ისინიც რაფასავით გაამართლებენ. მოვა დღე, როდესაც ზიდანი მადრიდის რეალის მთავარი მწვრთნელად დაინიშნება, იქამდე კი მან გამოცდილება უნდა მიიღოს.”
- 23 ივლისი 2013
- 2488
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
