კარლო ანჩელოტის ახალგაზრდა იტალიელი ტალანტის, სტეფან ელ-შაარავის "რეალში" ხილვა სურს, რომელიც ამჟამად "მილანის" ფეხბურთელია და ნაკრებშიც ასპარეზობს.

იტალიური პრესა იუწყება, რომ შესაძლოა ელ-შაარავი მადრიდის "რეალში" გონსალო იგუაინის შემცვლელად მოგვევლინოს. პრესის თანახმად სტეფან ელ-შაარავიმ უკვე განიხილა "მილანის" ხელმძღვანელობასთან მისი კარიერის იტალიის საზღვრებს გარეთ გაგრძელების ვარიანტები. აღსანიშნავია, რომ თავად "მილანს" თავის რიგებში იგუაინის დამატება სურს, მაგრამ ყველაზე რეალურ კანდიდატურად იგუაინის ტრანსფერთან დაკავშირებით დღეს ლონდონის "არსენალი" გვევლინება. ეს იქიდანაა განპირობებული, რომ პიპიტას არ სურს კარიერის იტალიაში გაგრძელება. შესაძლებელია ელ-შაარავი მართლაც ვიხილოთ "რეალის" რიგებში რადგან მისი მოყვანით, ანჩელოტი პირადადაა დაინტერესებული.