სამეფო კლუბს სავარაუდოდ ორი გარემარბი, ანხელ დი მარია და ხოსე კალეხონი დატოვებენ, თეთრები კი ამ ადგილის შევსებას ბეილის შეძენით ეცდებიან და ამისათვის 70 მლნ. ევროც კი მოამზადეს.

ესპანელი ნახევარმცველი ხესუს ნავასი საკუთარ კანდიდატურას სთავაზობს მადრიდის რეალს და აცხადებს, რომ დიდი სიამოვნებით მოირგებდა თეთრ მაისურს. ამის შესახებ ბლანკოსის ოფიციალური პირების პოზიცია უცნობია, მაგრამ თუ უელსელი ფეხბურთელი არ გადმოვიდა სამეფო კლუბში, მაშინ დიდი შანსია იმისა, რომ სწორედ ანდალუსიელი გარემარბი შეიძინოს პერესმა.

მადრიდის რეალის მხრიდან ინტერესი აწყობს სევილიასაც, რადგან ხესუსს უკვე დიდი ხანია აკვირდება მანჩესტერ სიტი და ზაფხულში მის შეძენას გეგმავს, სამეფო კლუბის მონაწილეობით კი ფეხბურთელზე ფასი საგრძნობლად მოიმატებს, რადგან კონკურენციის პირობებში კლუბები მეტს გადაიხდიან, ვიდრე დაგეგმილი აქვთ.

ინფორმაციის წყარო: AS.COM������� dle 10.1������� ������� ������