ალონსო:"შემდეგ სეზონში მადრიდის "რეალში" ვითამაშებ"
ხაბი ალონსო "მალაგას" განადგურების შემდეგ ჟურნალისტებს გაესაუბრა.
"მნიშვნელოვანია, რომ შევინარჩუნოთ გუნდში არსებული განწყობა შემდეგ პარასკევამდე. თასის ფინალში უნდა მოვემზადოთ იგივე სერიოზულობით, როგორც ამას დანარჩენ თამაშებში ვაკეთებთ. მორალურად მზად ვართ "ატლეტიკოსთან" სათამაშოდ, მაგრამ არ გვავიწყდება, რომ ეს რთული იქნება. ჩვენ გვაქვს აშკარა მიზანი და შევეცდებით მოვიპოვოთ თასი. ჩვენ უნდა გვაგრძელოთ მუშაობა იგივე მიმართულებით."
"მრავალი წლის განმავლობაში იკერი ძირითადის ფეხბურთელი იყო, ახლა იგი იძულებულია სათადარიგოთა სკამიდან უყუროს მისი გუნდის თამაშს. იკერი დიდი პროფესიონალია და მას საოცარი დამოკიდებულება აქვს საქმისადმი. ჩვენ ყველას იგივე მოვალეობა გვაქვს, რაც კასილას."
"პეპეს სიტყვები? ახლა ამაზე კომენტარის გაკეთება არ ღირს, რადგან ჩვენ უმნიშვნელოვანესი მატჩი გველოდება, სადაც სასწორზე "კოპა დელ რეი" დევს, ახლა სხვა რაღაცეების დრო არ არის. რაც შეეხება იოზილს, ახლა ჩვენ სამედიცინო დასკვნას უნდა დაველოდოთ."
"ბორუსიასთან" საპასუხო მატჩისთვის ჩვენ გულშემატკივრები გვჭირდებოდა და ისინიც მოვიდნენ. დარწმუნებული ვარ ასე იქნება "ატლეტიკოსთან" მატჩშიც. საუკეთესო მოტივაცია ფანებია - და ტიტულისკენ სწრაფვა. ამაში ისინი გვეხმარებიან."
"ვითამაშებ თუ არა "სანტიაგო ბერნაბეუზე" მომდევნო სეზონში? რა თქმა უნდა."
- 9 მაი 2013
- 2111
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
