სერხიო რამოსის კომენტარი
სერხიო რამოსმა თამაშის შემდეგ ჟურნალისტებს თავისი მოსაზრებები გაანდო.
”საკმაოდ ცუდად ვგრძნობ თავს. ფინალში გასვლის შანსი გვქონდა და საბოლოოდ დამარცხებულები გამოვედით. ეხლა ჩვენ იმაზე მეტად უნდა დავდგეთ ერთმანეთის გვერდით , ვიდრე ოდესმე, ვინაიდან ფეხბურთი კიდევ მოგვცემს სხვა შანსებს. შეიძლება დღეს დავმარცხდით, მაგრამ მე ვფიქრობ, რომ ”თეთრები” კმაყოფილები არიან იმით, რომ გუნდმა ყველაფერი ცადა და გააკეთა , რაც მის სულს შეეფერებოდა.”
”ვერავინ ვერ შემეწინააღმდეგება იმაში, რომ ეს შედეგი ცუდი იყო და იმედი მაქვს , ეს მარცხი მომავალში გარკვეულ გამოცდილებას შეგვძენს. დღეს, პირველიდან ბოლო ფეხბურთელამდე დარწმუნებულები ვიყავით, რომ გავიდოდით შემდეგ ეტაპზე. ალბათ ცოტა მეტი იღბალი გვჭირდებოდა თავდასხმაში იმისთვის, რომ პირველ წუთებზევე გამოგვეყენებინა შანსები, რაც თამაშის სურათს სრულიად შეცვლიდა. ჩვენ ძალიან გვიან გავიტანეთ და ამის გამო ცუდად ვგრძნობ თავს.”
ბოლოს რამოსმა მადლობა გადაუხადა პუბლიკას: ”ვიცით, თუ როგორ უყვარს ეს ტურნირი მადრიდისტებს. ”თეთრები” ეხლა თავს ბედნიერად გრძნობენ, რომ ერთ მუშტად შეკრულ გუნდს ხედავენ. წინ კოპას ფინალი გველის და მის მოგებაზე უნდა ვიფიქროთ.”
- 1 მაი 2013
- 3045
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
