ესპანეთი ევროპის ერთ-ერთი წამყვანი ტურისტული ქვეყანაა და ვიზიტორმა სიმცირით არც არასდროს გამოირჩეოდა, თუმცა ბოლო კვირებში მათმა რაოდენობამ ყოველგვარ მოლოდინს გადააჭარბა. მიზეზი კი მარტივია: კაკასა და რონალდოს ტრანსფერები. მათ პრეზენტაციაზე ჩამოსული ადამიანების რიცხვმა არნახულ მაჩვენებლებს მიაღწია.

სტატისტიკური მონაცემებით, 2008 წელს ესპანეთში 237 000 იაპონელი ტურისტი გახლდათ ჩასული. საერთო ჯამში კი, მსოფლიოს ყველა ქვეყნიდან, ესპანეთს გასულ წელს 1 000 000 ადამიანი ეწვია ტურისტის სტატუსით. ესპანეთში ტურიზმის განვითარების სხვა გზებიც არსებობს, მაგალითად, ეს ქვეყანა უამრავი საერთაშორისო ტურნირის მასპინძლობის ინიციატივას იჩენს ხოლმე, მათ შორის შედის ევროპის საკალათბურთო ჩემპიონატი და 2016 წლის მადრიდის ოლიმპიადა. ესპანეთმა განაცხადი ფიფაშიც შეიტანა 2018 წლის მსოფლიო ჩემპიონატის პორტუგალიასთან ერთად მასპინძლობის სურვილით.

როგორც გამოჩნდა, სპორტი ტურიზმის განვითარების კარგი საშუალებაა. ამ სფეროში ესპანელებმა კიდევ უფრო მეტი მოახერხეს, - მათ პაუ გასოლის იმიჯი ესპანეთში ამერიკელი ტურისტების მოსაზიდად გამოიყენეს. რომ არაფერი ვთქვათ, “რეალის” ბოლო შენაძენებზე, რომელთა პრეზენტაციებმა აზიელი ტურისტების ბუმი გამოიწვია.

ინფორმაციის წყარო: RealMadrid.Com ������� dle 10.1������� ������� ������