გერმანულ პრესაში გავრცელებული ინფორმაციით, კელპერ პეპეს შეძენით ბრემენის ვერდერი ინტერესდება...

როგორც ჩანს გერმანელები მოლაპარაკებების დაწყებას ზაფხულის სატრანსფერო ფანჯრის დროს აპირებენ.

პორტუგალიელი მცველის პოზიციები მას შემდეგ შეიიყრა, რაც ტრავმა მიიღო და რამდენიმე კვირით დაემშვიდობა მოედანს, ამ ხნის მანძილზე ფრანგმა რაფაელ ვარანემ ბრწყინვალე შთაბეჭდილება დატოვა და ძირითად შემადგენლობაში დაიმკვიდრა თავი. რაფამ ბრწყინვალედ ითამაშა იუნაიტედთან და ბარსელონასთან, ჟოზე სწორედ მას ენდო და არა პეპეს, რომელსაც ტრავმა ახალი მოშუშებული ჰქონდა.

პეპეს სატრანსფერო ფასი 20-იდან 25 მილიონ ევრომდე მერყეობს. მიუხედავად იმისა, რომ პორტუგალიელი მცველი არც თუ ისე ახალგაზრდა გახლავთ (საფეხბურთო თვალსაზრისით), მას ნამდვილად აქვს ის რეპუტაცია და დონე, რომელიც აძლევს სამეფო კლუბს იმის უფლებას, რომ იგი ხსენებულ ფასში გაყიდოს.

რამდენად გაიმეტებს ბრემენული კლუბი პეპეს სანაცვლოდ 20-25 მილიონ ევროს და რამდენად დაეთანხმება ჟოზე მოურინიო მის გაყიდვას, ეს მეორე საკითხია, მაგრამ ინტერესი აშკარაა და ამაზე გერმანიაში საუბარი უკვე დაიწყეს.������� dle 10.1������� ������� ������