რეალმა და ჩელსიმ თვალი ტურეს დაადგეს
არ წყდება სპეკულაციები იაია ტურეს ტრანსფერზე, მოგეხსენებათ ფეხბურთელი სიტისთან კონტრაქტის დეტალებს ვერ ათანხმებს, ამიტომ შესაძლოა მან ზაფხულში კლუბი გამოიცვალოს.
მადრიდის რეალსა და ლონდონის ჩელსის უახლოეს მომავალში სერიოზული პრობლემები შეექმნებათ საყრდენი ნახევარმცველის პოზიციაზე. ლურჯები არაფრის დიდებით არ სთავაზობენ კლუბის ლეგენდას ფრანკ ლამპარდს ახალ კონტრაქტს და სავარაუდოდ ის დატოვებს ლონდონურ კლუბს. სამეფო კლუბის ხელმძღვანელობა კი აქტიურად ცდილობს ჩაბი ალონსოს შენარჩუნებას, რომელიც ჯერ-ჯერობით უარზეა.
გამომცემლობა Goal.Com-ის ჟურნალისტების ინფორმაციით იაია ტურე მზად არის გამოისყიდოს სიტისგან საკუთარი კონტრაქტი, რადგან მიაჩნია, რომ კლუბი მას არ აფასებს თუ უახლოეს მომავალში შეთანხმებას არ მიაღწევენ ფეხბურთელი ამ გადაწყვეტილებას აუცილებლად მიიღებს. ჟურნალისტი ავრცელებს ინფორმაციას, რომ მისი შეძენით ლონდონის ჩელსის ოლიგარქი მფლობელი რომან აბრამოვიჩია დაინტერესებული. ინგლისელებს კონკურენციას მადრიდული გრანდი გაუწევს, რადგან ჟოზე მოურინიო აღფრთოვანებულია კოდ დ’იუარელის ასპარეზობით და მისი სამეფო კლუბში ხილვა სურს.
- 22 მარტი 2013
- 2303
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
