დღეს მადრიდის "რეალის" პრეზიდენტმა ფლორენტინო პერესმა მანუელ პელეგრინის ნდობა გამოუცხადა. მან ასევე განაცხადა, რომ მისი ოცნებაა ჩემპიონთა ლიგის ფინალში "რეალი" "მილანს" დაუპირისპირდეს.

პერესის თქმით, გაზეთებში გავრცელებული ინფორმაცია თითქოს პელეგრინი გუნდს დატოვებდა მორიგი ჭორია. "ჩვენ მას ვენდობით. ის, რაც პრესაში ვრცელდება მორიგი ჭორია. ჩვენ გვჯერა პელეგრინის. "რეალს" არ სურს რობერტო მანჩინი და არცერთი იტალიელი მწვრთნელი".

"პრესას დიდ პატივს ვცემთ, მაგრამ კლუბი იღებს გადაწყვეტილებას და არა პრესის წარმომადგენლები".

გუნდი დაიბრუნებს თავდაჯერებულობას

პერესმა გულშემატკივრებს მოთმინებისაკენ მოუწოდა და პირობა დადო, რომ წელს შთამბეჭდავი სეზონი იქნება.

ფლორენტინომ ასევე ისაუბრა "მილანთან" გასამართ მატჩზე: "მოხარული ვარ, რომ მიწევს ჩასვლა ლამაზ ქალაქში და ვეთამაშებით ისეთ გუნდს, როგორიც "მილანია". ჩვენი ფეხბურთელები იქ მოსაგებად მიდიან. ჩემი ოცნებაა ჩემპიონთა ლიგის ფინალში ვიხილო "რეალისა" და "მილანის" დაპირისპირება".


ინფორმაციის წყარო: Defensacentral.com������� dle 10.1������� ������� ������