მადრიდის "რეალის" შემტევმა კრიშტიანუ რონალდუმ ისაუბრა გუნდის შანსებზე ჩემპიონთა ლიგაზე და განაცხადა, რომ გუნდში კონტრაქტის ამოწურვამდე დარჩება.

- იმის გათვალისწინებით, თუ როგორი ვითარება ამ სეზონში, ჩემპიონთა ლიგის მოგება მადრიდის "რეალის" მთავარი მიზანია?

-დიახ, რა თქმა უნდა. გულშემატკივარს სურს მეათე ჩემპიონთა ლიგის თასი ავღმართოთ, ჩვენ კარგად ვიცით ეს და ვაცნობიერებთ პასუხისმგებლობას. შარშან დასანანი მარცხი ვიწვნიეთ ნახევარფინალში, ეს არ იყო ჩვენთვის სასიამოვნო.

მაგრამ ამ სეზონში ბრწყინვალე შანსი გვაქვს ჩემპიონთა ლიგის მოგების, მიუხედავად იმისა, რომ ჩვენ შევხდით მანჩესტერ "იუნაიტედს", ეს კი დავალებას ართულებს. შანსები 50-50, მაგრამ დარწმუნებული ვარ, რომ შემდეგ ეტაპზე სწორედ ჩვენ ვიასპარეზებთ.

"იუნაიტედი" ბრწყინვალედ ასპარეზობს "პრემიერლიგაში", მაგრამ ჩვენ შევძლებთ მათ დამარცხებას თუ ვიქნებით ჩევნს საუკეთესო ფორმაში. ამისათვის უნდა შევიკრათ და ვითამაშოთ, როგორც გუნდმა.

-არსებობს ჭორები, რომ უახლოეს მომავალში შესაძლოა კლუბი შეიცვალოთ. რას იტყვით ამის შესახებ?

-ვაპირებ შევასრულო კონტრაქტით დაკისრებული მოვალეობა და დავრჩე კლუბში, მის ამოწურვამდე. შემდეგ რა მოხდება არ ვიცი.


შეგახსენებთ, რომ პორტუგალიელს კონტრაქტი "სამეფო კლუბთან" 2015 წლის ივნისში ეწურება.������� dle 10.1������� ������� ������