მოგეხსენებათ, ლა ლიგის გათამაშებაში, მადრიდის "რეალის" მომავალი მეტოქე კატალონიური ესპანიოლი იქნება, რომელშიც მადრიდელი კანტერანო, ხოსე კალეხონი არც ისე ცოტა ხნის მანძილზე გამოდიოდა, სწორედ კატალონიაში კარგი თამაშის გამო გადაწყვიტა ჟოზე მოურინიომ ახალგაზრდა ნახევარმცველის მშობლიურ კლუბში დაბრუნება...

აღსანიშნავია, რომ "რეალის" მაისურის ჩაცმის შემდეგ ხოსემ პირველი გოლი სწორედ ყოფილი გუნდის, ესპანიოლის კარში გაიტანა, ეს მოხდა 2011 წლის 2 ოქტომბერს.

მას შემდეგ კალეხონმა 57 მატჩი ჩაატარა და 18 გოლს მოუყარა თავი, საერთოდ ეს ფეხბურთელი შედეგიანობით გამოირჩევა. მიუხედავად იმისა, რომ მისი პოზიცია არა ცენტრ-ფორვარდი, არამედ გარემარბია. ასევე მიუხედავად იმისა, რომ ხოსეს ძირითადად შეცვლებზე უწევს თამაში, მას ბრწყინვალე მაჩვენებელი აქვს, 18-ჯერ აღებული კარი, ნებისმიერი მისი პოზიციის ფეხბურთელისთვის საამაყოა.

ასევე უნდა აღვნიშნოთ, რომ კალეხონი ბრწყინვალედ ირჯება ჩემპიონთა ლიგაზე, იგი ევროპულ საკლუბო ტურნირებში ყოველთვის ნაყოფიერია, ესპანელი მოთამაშე არც დუბლების შესრულებას "ერიდება", მეტსაც გეტყვით, მისთვის თითო მატჩში 2 გოლის გატანა არანაირ პრობლემას არ წარმოადგენს. განვლილი კარიერის მანძილზე კალეხონის ანგარიშზე 5 დუბლი გახლავთ, აქედან უმეტესობა ჩემპიონთა ლიგაზე მოდის.

ხოსეს ყველაზე მეტად გოლების გატანა ამსტერდამის აიაქსთან უიოლდება, მას ჰოლანდიური კლუბი ძალიან ბევრჯერ ჰყავს დამწუხრებული.