მოგეხსენებათ, ნური შაჰინი, რომელიც ინგლისურ ლივერპულში გადავიდა ძალიან მაღალი დონის ფეხბურთს აჩვენებს, რაც მერსისაიდელ გულშემატკივრებს აღაფრთოვანებს, თურქი მოთამაშე "წითლების" უპირობო ლიდერი გახდა, იგი ნახევარდაცვის რგოლში ერთ-ერთი საუკეთესოა...

გავრცელებული ინფორმაციით მერსისაიდული კლუბის ხელმძღვანელობა უკვე სერიოზულად მუშაობს ნური შაჰინის გამოსყიდვაზე. ინგლისურ კლუბს ახალგაზრდა ფეხბურთელზე უფლებები ზაფხულში ეწურება, შემდეგ კი თურქი "რეალს" უნდა შეუერთდეს, რადგან ხანგრძლივი კონტრაქტი სწორედ ჟოზეს გუნდთან აქვს გაფორმებული.

მიუხედავად იმისა, რომ ნური სულ ახალი ჩასულია ლივერპულში, იგი გულშემატკივრების ერთ-ერთი საყვარელი ფეხბურთელი გახდა, იგი ნამდვილად ბრწყინავს.

"წითლების" მთავარი მწვრთნელი, დარწმუნებულია იმაში, რომ თუ შაჰინი ლივერპულში დარჩა, იგი მსოფლიოს ერთ-ერთი საუკეთესო ფეხბურთელი გახდება, სწორედ ამიტომ ეცდება ლეგენდარული ინგლისური კლუბი ახალგაზრდა შეგირდის გუნდში დატოვებას.

თურქმა მოთამაშემ ახალი კლუბის რიგებში უკვე 2 გოლის გატანა მოახერხა, იგი ასევე გამოირჩევა ძალიან გონივრული პასებით.

ასევე აღსანიშნავია, რომ შაჰინი საკუთარი ქვეყნის ეროვნულ ნაკრებშიც შესანიშნავად ირჯება.

და ბოლოს, ლივერპულელთა ხელმძღვანელობა იანვრის სატრანსფერო ფანჯრის დროს, მადრიდში ვიზიტს გეგმავს, ინგლისელებს მოლაპარაკების მაგიდასთან დასხდომა და ნურის საკითხის დადებითად გადაწყვეტა სურთ.������� dle 10.1������� ������� ������