ორი აზრი არ არსებობს იმის შესახებ, რომ პოლონელი თავდამსხმელი ძალზედ ნიჭიერი და პროგრესირებადი ფეხბურთელია. ცხადია, მისი კარგი თამაში ევროპის წამყვან კლუბებს არ გამორჩენიათ. უკანასკნელ სატრანსფერო ფანჯარაზე ძნელად წარმოსადგენი იყო, თუ გერმანული კლუბი ლევანდოვსკის შენარჩუნება, თუმცა კლუბმა და შესაბამისად ფეხბურთელმაც ყველა მსურველი უარით გაისტუმრა.

როგორც ზემოთ მოგახსენეთ, ლევანდოვსკის შეძენას ბევრი კლუბი ლამობდა. ოფიციალურად არ იყო დადასტურებული, თუმცა კულუარებში ვრცელდებოდა ინფორმაცია იმის შესახებ, რომ რობერტის მიმართ "რეალიც" იჩენდა ინტერესს. ახლა კი ევროპული პრესის ფურცლები მოურინიოს ინტერესმა ლევანდოვსკის მიმართ მოიცვა. ცხადია, ოფიციალური არც ეს ინფორმაცია გახლავთ.

მადრიდის "რეალი" თავდამსხმელის ძიებაში რომ იყო, ეს ყველასთვის ცნობილი გახდა სპორტული გამოცემების საშუალებით. (თუმცა არც ეს ყოფილა ოფიციალური). რა თქმა უნდა, მთავარ მიზეზად "ბლანკოსის" ამჟამინდელი ფორვარდების(ბენზემა, იგუაინი) არასტაბილურ თამაშს მიიჩნევდნენ. გასული სეზონის შემდეგ ბევრი არაფერი შეცვლილა, გონსალო და ქარიმი ძველებურად გამოიყურებიან და ყველა თამაშში მოწდების სიმაღლეზე ვერ დგანან, შესაბამისად ჟურნალისტებმა მაშინვე დაიწყეს "რეალის" "მომავალი" ფორვარდის ძიება. ბევრი ეძებეს თუ ცოტა ეძებეს, რობერტ ლევანდოვსკის მიადგნენ. იმაში, თუ რა მოხდება, უახლოეს სატრანსფერო ფანაჯარაზე(ან ფანჯრებზე) დავრწმუნდებით....������� dle 10.1������� ������� ������