იმაზე თავს აღარ შეგაწყენთ, თუ როგორ მოიგო "რეალმა" სუპერთასი, ამაზე ყველას კარგად მოგეხსენებათ. ჟოზე მოურინიოსთვის ეს მეოთხე სუპერთასი გახლდათ. აქამდე "ერთადერთმა"(როგორც თვითონ უწოდებს საკუთარ თავს) პორტუგალიის, ინგლისისა და იტალიის სუპერთასები მოიგო, შესაბამაისად "პორტუს", "ჩელსისა" და "ინტერის" თავკაცობისას.

პირველად ჟოზემ სუპერთასი "პორტუსთან" ერთად მოიგო. 2003 წლის 11 აგვისტოს მისი გუნდი "უნიაო ლეირეას" დაუპირირპირდა და 1-0 დაამარცხა. ორიოდე წლის შემდგომ, უკვე "ჩელსის" რიგებიდანაც შეძლო იგივეს გაკეთება. 2005 წლის 7 აგვისტოს "არისტოკრატებმა" ინგლისის სუპერთასის ფინალში"მეთოფეებს" სძლიეს 2-1. 2008 წლის 24 აგვისტოს კი პორტუგალიელმა სპეციალისტმა მესამედ მოიგო ეს თასი, ამჯერად იტალიაში, "ინტერის" თავკაცობისას. "ნერააძურიმ" "რომასთან" ფრედ 2-2 ითამაშა, თუმცა თერთმეტმეტრიანების სერიაში დაამარცხა.

ცხადია, მოუ ერთადერთი მწვრთნელია, რომელსაც 4 სხვადასხვა ქვეყნის სუპერთასი აქვს მოგებული მწვრთნელობის რანგში. მის შემდგომ 2-2 ბევრ სპეციალიტს აქვს აღებული, რომელთაგან გამოსარჩევია ანჩელოტი, ბენიტესი, ერიქსონი, ბობი რობსონი, მანჩინი, კაპელო, ჰაინკესი, კუპერი და ა.შ.������� dle 10.1������� ������� ������