ევროპის ჩემპიონატის პარალელურად, "სანტიაგო ბერნაბეუს" კაბინეტებში, ფეხბურთელებისთვის ახალ კონტრაქტებს ამზადებენ.

როგორც "ასისთვის" გახდა ცნობილი, კონტინენტის პირველობის დასრულების შემდეგ, "რეალი" რაულ ალბიოლსა და ალვარო არბელოას განუახლებს ხელშეკრულებებს.ამ დროისათვის, მათი "ბლანკოსში" ყოფნის ვადა, 2014 წლის ზაფხულამდე არის განსაზღვრული.რაც შეეხება ახალ შეთავაზებას, ის, მცველების დარჩენას 2016 წლის ივნისამდე ითვალისწინებს.

რაულ ალბიოლის 2009 წლის სეზონში მოვიდა დედაქალაქურ გუნდში.მადრიდელებმა მასში 15 მილიონი ევრო გადაიხადეს.ნიშანდობლივია, რომ ყოფილი ვალენსიელი, მანუელ პელეგრინის ფორმაციის "რეალის" ერთ-ერთ მნიშვნელოვან მოთამაშედ ითვლებოდა, თუმცა სიტუაცია შეიცვალა მოურინიოს სათავეში მოსვლის შემდეგ.2010-11 წ.წ. სეზონში, რაულმა 2145 წუთი დაჰყო მწვანე მინდორზე (პელეგრინის დროს 3563), ხოლო განვლილ სეზონში, როდესაც დაცვის ცენტრში პეპეს რამოსი შუწყვილდა, 967 წუთი.ალბათ, აღნიშვნის ღირსია ის ფაქტი, რომ ფაქტიურად სათამაშო პრაქტიკის უქონლობის ფონზე, ალბიოლის კლუბის გამოცვლას არ ფიქრობს.ნამდვილად არავის დავიწყებია, 20 მატჩიანი უქმობის შემდეგ, სასტარტოში დაბრუნებული ალბიოლის თავგანწირული ასპარეზობა "ოსასუნასთან."

2009 წელს დაბრუნდა მშობლიურ გუნდში ალვარო არბელოაც.დონ ფლორენტინოს მისი ტრანსფერი 4 მლნ. დაუჯდა.მადრიდისტა ერთნაირი ნდობით სარგებლობდა, როგორც პელეგრინის, ასევე ჟოზეს ეპოქაში.სამეფო კლუბში კონტრაქტის ამოწურვის შემდეგ (2016 წ.), ის 33 წლის იქნება და სავარაუდოდ, ბუცების ლუსმანზე ჩამოკიდებასაც იფიქრებს.

ასევე, კულუარებიდან ვრცელდება ინფორმაცია, რომ ახალ ხელშეკრულების გაფორმებას გრანეროსაც შეთავაზებენ, რომლის მოქმედ კონტრაქტსაც, 2013 წელს გაუდის ვადა.ანალოგიურ სიტუაციაში იმყოფება ლასიც, თუმცა მადრიდში ის ტრანსფერზე დააყენეს.

შეგახსენებეთ, რომ სეზონის დასრულების შემდეგ, "რეალში," პირველად, ანხელ დი მარიას ერგო ახალი კონტრაქტი.