რობერტ პირესი ახლა კომენტატორად მუშაობს და ევრო 2012-ის მატჩებს ახმოვანებს. ერთ-ერთი მატჩის დროს მან განაცხადა, რომ რონალდო და მესი სხვა ფეხბურთელებზე უფრო მაღლა დგანან, თუმცა პორტუგალიელს უფრო მეტი პერსპექტივა აქვს ვიდრე არგენტინელს.

"ჩემი აზრით ეს ორი ფეხბურთელი თავიანთ ლიგაში თამაშობენ, დანარჩენები კი უბრალოდ მათ მისდევენ. მე რონალდოს თამაში უფრო მომწონს და ვფიქრობ, მას მომატების პერსპექტივა მას უფრო აქვს, ვიდრე ლიონელს. ხალხმა მას თავი უნდა დაანებოს, რადგან ამხელა ზეწოლა მასზე დიდ გავლენას ახდენს, ის მანქანა არ არის, ადამიანია. ჩვენ სიამოვნება უნდა მივიღოთ მისი თამაშით."

"რაც შეეხება ევროპის ჩემპიონატს, ორ გუნდს გამოვყოფდი ესპანეთს და გერმანიას, ისინი ბრწყინვალედ გამოიყურებიან. მართალია ფეხბურთში შესაძლოა ყველაფერი მოხდეს, თუმცა ეს ორი ნაკრები დანარჩენებზე მაღლა დგას."

"ესპანეთის ნაკრების არ იყოს, მეც მითამაშია გუნდებში, სადაც ცენტრალური თავდამსხმელი არ გვყავდა. პირინეელებისათვის ეს პრობლემას არ წარმოადგენს. დელ ბოსკეს ძალიან დიდი არჩევანის საშუალება აქვს, რადგან ამ ნაკრებში ყველა პოზიციაზე მინიმუმ ორი მსოფლიო დონის ვარსკვლავი აცხადებს პრეტენზიას."������� dle 10.1������� ������� ������