მადრიდის "რეალის" ბრაზილიელი ნახევარმცველი რიკარდო კაკა შესაძლოა "მილანში" დაბრუნდეს.

როგორც Corriere dello Sport-ი იუწყება "როსონერის" ხელმძღვანელობას გადაწყვეტილი აქვს ბრაზილიელი კვლავ მილანურ გრანდში დააბრუნოს, სადაც კაკამ დაუვიწყარი წლები გაატარა. იტალიური გაზეთის ცნობით ამ კვირაში სილვიო ბერლუსკონი მადრიდს ეწვევა და იქ გამართავს მოლაპარაკებებს. "მილანელთათვის" მთავარი პრობლემა კაკას ხელფასია, როგორც მოგეხსენებათ კაკა მადრიდის "რეალში" 9 მილიონ ევროს იღებს. ასევე გავრცელდა ხმები, რომ შესაძლოა მადრიდის "რეალმა" და "მილანმა" კაკა, იბრაჰიმოვიჩის ბარტერი განახორციელოს, რამეთუ შვედი ფეხბურთელით ჟოზე მოურინიო უკვე დიდი ხანია გახლავთ დაინტერესებული. კაკას ბედი ფაქტიურად გადაწყვეტილია, იგი აუცილებლად დატოვებს მადრიდულ გრანდს, მაგრამ სად გააგრძელებს კარიერას ეს ამ დღეებში გახდება ცნობილი. კაკას გადაბირებით "მილანის" გარდა, "პსჟ", "ჩელსი" და "ტოტენჰემი" გახლავთ.������� dle 10.1������� ������� ������