ლევანდოვსკი "რეალში" ?
დორტმუნდის "ბორუსიას" და პოლონეთის ეროვნული ნაკრების შემტევი რობერტ ლევანდოვსკი, შესაძლოა მადრიდის "რეალში" ვიხილოთ.
პოლონელმა ბუნდესლიგაში შესანიშნავი სეზონი ჩაატარა. ევროპის ჩემპიონატზეც საკმაოდ კარგ შთაბეჭდილებას ტოვებს, ამიტომ ფეხბურთელით ბევრი გრანდი დაინტერესდა, მათ შორის მადრიდის "რეალიც" გახლავთ. როგორც ლევანდოვსკის აგენტი ჩეზარი კუხარსკი იუწყება, იგი უკვე შეხვდა "რეალის" დამრიგებელს ჟოზე მოურინიოს და გაესაუბრა ფეხბურთელის ტრანსფერთან დაკავშირებით.
"მოურინიოს პირდაპირ ვუთხარი თუ ლევანდოვსკი ევროპაზე თავს გამოიჩენს დაგირეკავ და შევთანხმდეთ მის ტრანსფერთან დაკავშირებით მეთქი."-განაცხადა კუხარსკიმ.
დორტმუნდის "ბორუსიას" პრეზიდენტი ჰანს იოახიმ ვატცკე კი არ აპირებს ფეხბურთელი გუნდიდან გაშვებას და სურს ფეხბურთელთან ახალი კონტრაქტი გააფორმოს.
"ყელში ამომივიდა ეს ჭორები. ყოველდღე ახალ ამბავს ვიგებ ლევანდოვსკისთან დაკავშირებით. არ მაინტერესებს ვინ რას ამბობს ლევანდოვსკი არ იყიდება!"-განაცხადა ვატცკემ.
- 13 ივნისი 2012
- 2807
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
