მადრიდის "რეალმა" გასულ ჩემპიონატში შესანიშნავი შთაბეჭდილება დატოვა და სეზონი 100 ქულით დაასრულა, სწორედ ამან განაპირობა, ლა ლიგის თასის მოპოვებაც, მაგრამ კიდევ ერთი ასპექტი უნდა გავითვალისწინოთ, გუნდს ჩემპიონატის მეორე წრეში არცერთი შეხვედრა არ წაუგია...

მსგავსი შედეგი "ბლანკოსს" 1930/31 და 1989/90 წლების სეზონში ჰქონდათ, მაგრამ აღსანიშნავია, რომ შორეულ წარსულში პრიმერაში მხოლოდ 10 გუნდი თამაშობდა.

ამ ეტაპისთვის "რეალმა" 19 თამაში გამართა, 16 მოიგო, 3 ფრედ დაასრულა და წაგება საერთოდ არ უგემია. ბრწყინვალე სტატისტიკა ყველაფერზე მეტყველებს.

მადრიდელებმა 19 დაპირისპირებაში 54-ჯერ მოახერხეს მეტოქეთა კარის აღება, ხოლო საკუთარ კარში მხოლოდ 14-ჯერ გაუშვეს ბურთი, მათი მაჩვენებელი +40 გახლავთ, საშუალოდ ისინი 3 გოლს იტანდნენ თითო დაპირისპირებაში, რაც კიდევ ერთხელ შესანიშნავი ფორმის დამადასტურებელია.������� dle 10.1������� ������� ������