როგორც იცით, ჟოზე მოურინიოს პირველ სეზონში მუშაობისას მადრიდის "რეალმა" 102 გოლი გაიტანა, ხოლო გასულ სეზონში მადრიდელებმა 121-ჯერ დაამწუხრეს მეტოქეთა მეკარეები. ცხადია, ეს რეკორდი გახლავთ. რეკორდული აღმოჩნდა მოურინიოსთვისაც. პორტუგალიელი სპეციალისტის თავკაცობისას "ბლანკოსმა" 223 გოლის გატანა მოახერხა და ეს 76 მატჩში მოახერხა, ანუ საშუალოდ 2.93 შეხვედრაში. ეს კი საუკეთესო მაჩვენებელი გახლავთ კლუბის ისტორიაში.

ჟოზე მოურინიო მადრიდის "რეალის" იმ ხუთ საუკეთესო მწვრთნელთა სიაშიც შევიდა, რომელთა მუშაობის დროსაც "ბლანკოსს" ყველაზე მეტი გოლი აქვს გატანილი. ამჟამად იგი მეხუთე ადგილზე იმყოფება, თუმცა ძნელად სავარაუდო სულაც არ არის, რომ მომავალ სეზონშივე გადაასწრებს დელ ბოსკეს, მოლოუნისა და ბენხაკერს და მეორე ადგილზე გადაინაცვლებს. მიგელ მუნიოსის რეკორდამდე კი კიდევ ერთი სეზონი დასჭირდება.


������� dle 10.1������� ������� ������