ყველას კარგად მოგეხსენებათ, თუ როგორ აიღო სტარტი "პრიმერა" დივიზიონმა. ესპანეთში და არამარტო ესპანეთში ფეხბურთელთა კავშირის გაფიცვა იყო, სწორედ აქედან გამომდინარე პირველი ტური გადაიდო და გათამაშება მეორე ტურიდან დაიწყო, კერძოდ 2011 წლის 27 აგვისტოს, ხოლო დასრულდა 2012 წლის 13 მაისს. სულ ჩატარდა 380 მატჩი და გავიდა 1050 გოლი(საშალოდ 2.76 მატჩში).

მართალია, მადრიდის "რეალმა" ჩემპიონობა გადადებულ მეოცე ტურში მოიპოვა "სან მამესზე" "ატლეტიკთან" შეხვედრაში, თუმცა დიდი ხნით ადრეც პრაქტიკულად გადაწყვეტილი იყო, რომ "ბლანკოსი" აღმართავდა "ლა ლიგის" თასს. მიუხედავად იმისა, რომ პირველ ორ ადგილს ვერავინ შეეცილებოდა, "პრიმერას" ბოლო ტური მაინც ძალზედ საინტერესო გამოვიდა, რამეთუ ერთბაშად რამდენიმე გუნდს ემუქრებოდა გავარდნა, აგრეთვე რამდენიმე აცხადებდა პრეტენზიას ჩემპიონთა ლიგასა და ევროპის ლიგაზე ასპარეზობაზე.

საბოლოოდ ასეთი შედეგი მივიღეთ, ყველასთვის მოულოდნელად "ლა ლიგა" "ვილეარეალმა" დატოვა. ყვითელი წყალქვეშა ნავი საკუთარვე სტადიონზე ჩაიძირა, წააგო რა "ატლეტიკოსთან". დიდი ხნის გარკვეული იყო, რომ "ლა ლიგას" დატოვებდა "რასინგიც", რომელმაც მხოლოდ 4 შეხვედრის მოგება მოახერხა მთელ სეზონში. შანსი ჰქონდა "ლა ლიგაში" დარჩენის "სპორტინგსაც", თუმცა ხიხონელებმა ჩემპიონთა ლიგის საგზურისთვის მებრძოლ "მალაგასთან" წააგეს და შესაბამისად შეურთდნენ "ვილეარეალსა" და "რასინგს".

რაც შეეხება ევროსაგზურებს, მადრიდის "რეალი", "ბარსელონა" და "ვალენსია" პირდაპირ ჩემპიონთა ლიგის ჯგუფურ ეტაპზე იასპარეზებენ, ხოლო "მალაგა" პლეიოფში მოხვდა. ევროპის ლიგის ჯგუფურ ეტაპზე მოხვდა მადრიდის "ატელტიკო", ხოლო მესამე საკვალიპიკაციო ეტაპზეა "ლევანტე". რაც შეეხება ბილბაოს "ატლეტიკს", თუ ბასკები "კოპა დელ რეის" ფინალს მოიგებენ, ისინი პირდაპირ ჯგუფურ ეტაპზე მოხვდებიან, ხოლო თუკი დამარცხდებიან "ლევანტეს" ჩაანაცვლებენ მესამე საკვალიპიკაციო ეტაპზე, ხოლო თავის მხრივ ვალენსიური კლუბი ფლეიოფში გავა.

"ლა ლიგას" უბრუნდება "დეპორტივო". ლაკორუნიელები "სეგუნდა" დივიზიონის ჩემპიონები გახდნენ. მათთან ერთად "პრიმერას" მიაშურებს "სელტა დე ვიგო", რომელსაც უკვე წლებია არ უასპარეზია ესპანეთის უპირველეს ჩემპიონატში. მესამე გუნდი კი "ვალიადოლიდი" გახლავთ, რომელიც მცირე პაუზის შემდეგ ბრუნდება "პრიმერაში"...

ყვითელი ბარათი - 1 ქულა

ორი ყვითელი ბარათი - 2 ქულა

წითელი ბარათი - 3 ქულა

ფეხბურთელების დისკვალიპიკაცია - 3 ქულა

გუნდის წევრების(არაფეხბურთელების) დისკვალიპიკაცია - 5 ქულა

არეულობა სტადიონზე მაყურებელთა მხრიდან - მსუბუქი - 5 ქულა, საშუალო - 6 ქულა, მძიმე - 7 ქულა

სერიოზული ინციდენტი სტადიონზე - 10 ქულა




������� dle 10.1������� ������� ������