ბენზემა: "მსურს კარიერა მადრიდის რეალში დავასრულო"
კარიმ ბენზემამ პირველი ორი სეზონი მადრიდის რეალში ჩააგდო, თუმცა მიმდინარე სეზონში მან ბრწყინვალედ იასპარეზა და მოურინიოს ნდობაც მოიპოვა.
"დიდი სიამოვნებით დავასრულებდი კარიერას მადრიდის რეალში. არ ვიცი შევძლებ თუ არა ვითამაშო იმდენივე წელი, რამდენიც რაულმა, მაგრამ გამორიცხული არაფერია."
"ახლა ყველაფერი კარგად არის, როგორც ჩემთვის ასევე გუნდისათვის. ჩვენ მოვიგეთ ლა ლიგა და ვამაყობთ ამ მიღწევით, მაგრამ სიმართლე გითხრათ პირველ წელს ძალიან გამიჭირდა, რადგან ცხოვრებაში პირველად დავიწყე ცხოვრება ჩემი ოჯახის გარეშე, ამან კი საბოლოო ჯამში დიდი გავლენა იქონია."
"შევეცადე სიმშვიდე შემენარჩუნებინა და ბოლომდე დავხარჯულიყავი ვარჯიშებზე, ამ ყველაფერმა შედეგ გამოიღო და დღეს მშვენიერ ფორმაში ვარ. ყოველთვის ვოცნებობდი მეთამაშა ამ გუნდში და ახლა ჩემზე ბედნიერი ადამიანი არ არსებობს."
"ძალიან დიდი დახმარება გამიწია ზინედინ ზიდანმა, რომელიც ჩემი აზრით საფრანგეთის ყველა დროის საუკეთესო ფეხბურთელია, მასთან საუბარი ძალიან მამშვიდებდა და მოტივაციას მიმაღლებდა."
"რაც შეეხება ჟოზე მოურინიოს, მან ჩემთვის ძალიან ბევრი რამ გააკეთა, პირველ რიგში არ დაკარგა ნდობა და ყოველთვის ძალიან ბევრს მელაპარაკებოდა, მიხსნიდა რას ითხოვდა ჩემგან, რისთვისაც დიდ მადლობას ვუხდი განსაკუთრებულს."
- 14 მაი 2012
- 2120
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.