გუშინდელი შეხვედრა, რომელიც მადრიდის "რეალმა" პამპლონის ოსასუნასთან ჩაატარა, ბრაზილიელი მარსელოსთვი მეორასე აღმოჩნდა...

პრიმერა დივიზიონში ვიეირამ 150 შეხვედრა გამართა, დანარჩენ ტურნირებში კი 50, ჯამში კი სულ 200 მატჩი დაუგროვდა. ახალგაზრდა მცველი მადრიდის "რეალში" 2007 წელს გადავიდა, მისი დებიუტი ლაკორუნიის დეპორტივოს წინააღმდეგ შედგა, მას შემდეგ ბრაზილიელი პროგრესირებს და ძირითადი შემადგენლობის უცვლელ წევრად ითვლება. მან 2-ჯერ მოახერხა ლა ლიგის მოგება, ერთხელ სამეფო თასის და ერთხელ სუპერ თასის.

2007 წლის შემდეგ მარსელოს ანგარიშზე, 200 მატჩი, 16 გოლი და 27 საგოლე გადაცემაა, რაც მცველის კვალობაზე უდიდესი შედეგია. ლა ლიგაში ჩატარებული 150 შეხვედრიდან მან 109 მოიგო, 19 ფრედ დაასრულა და 22-ში დამარცხდა. ესპანეთის ჩემპიონატში მის ანგარიშზე 14 გოლი და 21 გადაცემაა, დანარჩენები კი სხვა ჩემპიონატებზე მოდის.

ბოლო შეხვედრა, როდესაც მარსელომ საგოლე პასი გააკეთა, აპოელთან ჩატარდა, მაშინ ვიეირა თანამემამულე რიკარდო კაკას დაეხმარა მეტოქის კარის აღებაში.