რონალდო: კარლოსი რეალს დიდ სამსახურს გაუწევს
ბრაზილიელმა ლეგენდარულმა ფორვარდმა, რონალდომ ჟურნალისტებთან ინტერვიუში განაცხადა, რომ იგი ინფორმირებულია რობერტო კარლოსის მომავლის შესახებ და ძალიან გაეხარდება თუ იგი კვლავ გახდება ,,ბლანკოსის" ფეხბურთელი, თუნდაც ცოტა ხნით...
,,რობერტო ჩემი ძალიან ახლო მეგობარია, მან მე დამირეკა და მითხრა, რომ სურს მადრიდის რეალში ნახევარი ან ერთი წლით დაბრუნება და კარიერის სწორედ თეთრებში დასრულება. მას ძალიან უყვარს მადრიდი და ადგილობრივი კლუბი, მე მას ვურჩიე, რომ არ დაფიქრდეს და ისე გადავიდეს რეალში, იქ მან უამრავი ძალიან ლამაზი წელი გაატარა და მოიგო მრავალი ტიტული".
,,პრესაში ბევრ ახალ ინფორმაციას ვეცნობი მის შესახებ და ეხლა საჯაროდ ვაცხადებ, რომ რობერტოს რეალში გადასვლა ძალიან გამიხარდება, სამეფო კლუბის ხელმძღვანელობამ ძალიან ბევრი ფული დახარჯა და კვლავ აპირებს გახდეს მსოფლიოში საუკეთესო, კარლოსის გადაბირებით ისინი უფრო გაძლიერდებიან, ჩემი თანამემამულე ძალიან გამოცდილი ფეხბურთელია, მის პროფესიონალიზმში ეჭვი არავის შეაქვს, რაც მთავარია ის ნამდვილი მადრიდისტაა" - განაცხადა "კიჭამ".
- 12 ოქტომბერი 2009
- 3413
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
