როგორც იცით, "ცსკასთან" გატანილი გოლით, კრიშტიანუ რონალდუმ გადაასწრო ხუანიტოს და "რეალის" ყველა დროის საუკეთესო ბომბარდირებს შორის მე-13 პოზიცია დაიკავა.

პორტუგალიელის მადრიდულ აქტივში, 124 თამაში და 122 გოლია (94 პრიმერაში, 17 ჩემპიონთა ლიგაზე, 10 სამეფო თასზე & 1 სუპერ თასზე).ამჯერად რონის სამიზნე, ლეგენდარული მანუელ პაინიოა, რომელმაც 1948-1953 წლებში, "რეალის" რიგებში ას ოცდაოთხი ბურთი გაიტანა (144 შეხვედრაში).კრიშტიანუს კარგი შანსი აქვს "რაიო ვალეკანოსთან" შეასრულოს დუბლი და საუკეთესო მადრიდისტ მეგოლეებს შორის მე-12 პოზიციაზე აღზევდეს.თუ ყველაფერი ასე მოხდა, რონალდუს მომავალი "მსხვერპლი" ფერნანდო იეროს მიღწევა გახდება (127 გოლი).

ნიშანდობლივია, რომ საშუალოდ 0,98 ბურთი გააქვს კრიშტიანუს თითოეულ მატჩში, რაც შედარებელი მაჩვენებელია (იგივე პუშკაშის შედეგი, 0,93 იყო).

ცნობისთვის, 122 გოლიდან, 87 მარჯვენა ფეხით გაიტანა, 23 მარცხენათი, ხოლო 12 თავით (ასევე, 24 პენალტითა და 12 საჯარიმო დარტყმით).
������� dle 10.1������� ������� ������