სტატისტიკის თანახმად, მადრიდის "რეალს" ჰყავს ყველაზე ძლიერი სათადარიგო შემადგენლობა "პრიმერა დივიზიონში". მიმდინარე წელს შეცვლაზე შემოსულმა ფეხბურთელებმა 11 გოლი გაიტანეს, რაც საუკეთესო შედეგია. მეორე ადგილზე ამ მხრივ "ბეტისისა" და "ვალენსიის" მოთამაშეები 7–7 გოლით იმყოფებიან.

"სამეფო" კლუბის ორმა ფორვარდმა, გონსალო იგუაინმა და ქარიმ ბენზემამ 3–3 გოლი გაიტანეს ისე, რომ მათ არ დაუწყიათ სასტარტო შემადგენლობაში თამაში. ამის მიხედვით, 2 ბურთის გატანა კალეხონმა შესძლო, ხოლო თითო–თითო ბურთი ანხელ დი მარიამ, რიკარდო კაკამ და ჰამიტ ალტინტოპმა შეაგდეს. შესაბამისად, "მერენგები" საუკეთესოები არიან რეზერვის მხრივ "ლა ლიგაში". ნიშანდობლივია, რომ "ბარსელონიდან" მსგავსი ფაქტი მხოლოდ და მხოლოდ 3–ჯერ დაფიქსირდა, როცა "მერენგებმა" ეს 11–ჯერ შესძლეს.