ზამთრის სატრანსფერო ფანჯარაზე მოსკოველებმა დაკარგეს ვაგნერ ლავი, რომელიც ფაქტიურად გუნდის წამყვანი ფეხბურთელი გახლდათ, თუმცა "არმიელებს" მაინც დარჩათ ორი ისეთი მოთამაშე, რომელთა საშუალებითაც იგებენ ხოლმე - ალან ძაგოევი და სეიდუ დუმბია. პირველი მათგანი ძალიან ტექნიკური და სწრაფი გახლავთ. მისი შეძენით რამდენიმე ევროპული გრანდიცაა დაინტერესებული. ცნობისთვის, ანდრეი არშავინის შემდგომ ძაგოევი რუსეთის ბოლო წლების საუკეთესო მოთამაშეა.

რაც შეეხება, დუმბიას, კოტ დ'ივუარელმა რუსეთის პირველ ლიგაში საოცარი სეზონი ჩაატარა და ტურნირის ბომბარდირიც გახდა 24 გატანილი გოლით. ჩემპიონთა ლიგის ჯგუფურ ეტაპზე კი 6 შეხვედრაში მან ხუთჯერ შეძლო მეტოქის კარის აღება. უკვე ცნობილია, რომ ზაფხულის სატრანსფერო ფანჯარაზე დუმბია ევროპული გუნდების სამიზნე იქნება. მართალია, "ცსკა" სწორედ ამ ფეხბურთელების კარგ თამაშებზე იქნება დამოკიდებული, თუმცა არ უნდა დავივიწყოთ სხვა მოთამშეებიც, პირველ რიგში აღსანიშნავია დაცვის ხაზის კარგი ასპარეზობა, სადაც ძმები ბერეზუცკები ბრწყინვალედ გამოიყურებიან....������� dle 10.1������� ������� ������