ორივე ფეხბურთელი ბრწყინვალე ფორმაში იმყოფება და უკანასკნელ ტურში ორივე მათგანმა უმაღლესი დონის თამაში აჩვენა. კრიშტიანო რონალდომ "ლევანტეს" წინააღმდეგ ჰეტ-ტრიკი შეასრულა. ჯერ მან თერთმეტმეტრიანის ნიშნულიდან გაიტანა, შემდგომ იგუაინის პასით თავური დარტყმით გაჰხვია ბურთი კარის ბადეში, ხოლო მესამე გოლი ყველას კარგად მოგეხსებათ, საიდან და როგორ გაიტანა. გარდა ამისა, პორტუგალიელის გოლი მადრიდის "რეალისთვის" რიგით 4000-ე აღმოჩნდა "ბერნაბეუზე".

რაც შეეხება "რასინგის" კიპერს, ტონიომ მადრიდის "ატლეტიკოსთან" ალბათ კარიერის ერთ-ერთი საუკეთესო შეხვედრა ჩაატარა, რამეთუ მან რამდენიმე ე.წ. "მკვდარი ბურთის" მოგერიება შეძლო და უდიდესი წვლილი შეიტანა იმაში, რომ სანტანდერულმა კლუბმა არ წააგო. როგორც ხედავთ, ორივენი ბრწყინვალე ფორმაში იმყოფებიან და ამ მატჩში სწორედ მათ დაპირისპირებას უნდა ველოდთ. შეგახსენებთ, რომ წინა სეზონში "რეალსა" და "რასინგს" შორის მატჩი "მერენგთა" გამარჯვებით 6-1 დასრულდა. კრიშტიანო რონალდომ იმ შეხვედრაში ტონიოსთვის ოთხი გოლის გატანა შეძლო. დაველოდოთ, თუ რა მოხდება....������� dle 10.1������� ������� ������