ესპანური პრესა, სამეფო კლუბის ახალ სამიზნეზე ალაპარაკდა.

გამოცემა "მარკა" ამჯერადად ვან პერსის მომავალს უკავშირებს მადრიდის "რეალის."მათივე ცნობით, "თეთრები" შეეცდებიან 2012 წლის ზაფხულში გადმოიბირონ ჰოლანდიელი ბომბარდირი.რობინს "არსენალში" 2013 წლის ივნისში უმთავრდება კონტრაქტი, მაგრამ ჯერჯერობით "მეთოფეთა" მხრიდან ახალი შემოთავაზება არ აქვს.აღსანიშნავია, რომ თუ ვენგერი მომავალ სატრანსფერო ფანჯარაზე არ გაყიდის კაპიტანს, მაშინ 2013-ში მისი გაშვება მოუწევს, როგორც თავისუფალი აგენტი.

როგორც ამბობენ, ჟოზე მოურინიოს ძალზედ მოსწონს ლონდონელთა გოლეადორი.ვან პერსი ნამდვილად შთამბეჭდავი ფორვარდია.ის გამოირჩევა ყუმბარისებული დარტყმითა და მეორე სართულზე ბრძოლით.პრემიერ ლიგის მიმდინარე გათამაშებაში, მის აქტივში 22 გოლია.

გონსალოს ფაქტორი
იმისათვის, რომ მადრიდელებმა ვან პერსიზე დაიწყონ ნადირობა, საჭიროა იგუაინის "რეალიდან" გადაბარგება.მოურინიო და კომპანია სწორედ ამ შემთხვევაში დაიწყებს მოლაპარაკებებს ინგლისურ მხარესთან.
ჯერჯერობით გარუკვეველია რა ბედი ეწევა პიპიტას.რა თქმა უნდა, მას კლუბთან გრძელვადიანი კონტრაქტი აკავშირებს, თუმცა ბოლო დროს არაერთი გამოცემა მის მადრიდულ კარიერის დასასრულს წინასწარმეტყველებს.������� dle 10.1������� ������� ������