ინგლისური საიტის Goal–ის ჟურნალისტებმა, წარმოგვიდგინეს კატალონიის "ბარსელონისა" და მადრიდის "რეალის" მეორე წრის ყველაზე რთული მატჩების ჩამონათვალი. ცხადია, ამ რთულ მატჩებს შორისაა 21 აპრილს გასამართი "ელ კლასიკო".

რასაკვირველია, მადრიდის "რეალსა" და "ბარსელონას" შორის გასამართი მატჩი ორივე გუნდისთვის ყველაზე რთული, სანახაობრივი, ლამაზი და დაძაბული იქნება. ასევე საინტერესოა "ვალენსიასთან" ასპარეზობაც, ისევე როგორც "სევილიასთან, ბილბაოს "ატლეტიკთან", მადრიდის "ატლეტიკოსთან" და რაოდენ გასაკვირიც არ უნდა იყოს "ოსასუნასთანაც". ამ უკანასკნელმა, ბოლო ხანებში საგრძნობლად უმატა, რაც მათ შედეგზე აისახება – 6 მოგებული მატჩი, 9 ყაიმი და მხოლოდ 4 წაგებული. სატურნირო ცხრილში ისინი მე–6 ადგილს იკავებენ და ძალიან ახლოს არიან საუკეთესო ხუთხეულთან.