ჩემპიონობის 20 %-იანი შანსი
ესპანეთის პრიმერა დივიზიონის მე-13 ტურის თავზე, სამეფო კლუბს 6 ქულიანი ჰანდიკაპი აკავშირებს "ბარსელონასთან."
რასაკვირველია, ჩემპიონის ვინაობა მაისში გაირკვევა და ჯერ არავინ აძლევს მედლებს მადრიდელებს, მაგრამ მინდა თქვენი ყურადღება გავამახვილო საკმაოდ საინტერესო სტატისტიკაზე.
მოკლედ, ესპანეთის პირველობის ისტორიაში, სამეფო კლუბს 44-ჯერ ჰქონია 6 ქულიანი სხვაობა კატალონიელებთან, საიდანაც ამ უკანასკნელებმა მხოლოდ 8 შემთხვევაში მოახერხეს მისი აღმოფხვრა, ხოლო აქედან კი, მხოლოდ 4 შემთხვევაში მოიპოვეს ჩემპიონობა (ეს მოხდა, 28-29, 59-60, 91-92 & 98-99 წლების სეზონებში).
რა თქმა უნდა, მიმდინარე სეზონი შესაძლებელია სულ სხვანაირად წარიმართოს, მაგრამ ფაქტია, რომ "კულეებს" ძალიან უჭირთ ჩამორჩენის დაძლევა.როგორც "მარკა" წერს, სტატისტიკიდან გამომდინარე, აღნიშნულ მდგომარეობაში, მათ მხოლოდ 20 პროცენტიანი შანსი აქვთ ჩემპიონობისა.
- 29 ნოემბერი 2011
- 5874
