მადრიდის "რეალის" ერთ–ერთმა ლიდერმა, გონსალო იგუაინმა, მეასე შეხვედრა მოიგო მადრიდის "რეალის" მაისურით "პრიმერაში". აღსანიშნავია, რომ არგენტინელმა ეს 6 სეზონის მანძილზე მოახერხა.

გუშინდელი გამარჯვება გონსალო იგუაინისთვის საიუბილეო აღმოჩნდა. არგენტინელმა ფორვარდმა მეასე გამარჯვება იგემა, რაღა თქმა უნდა "სამეფო" კლუბის რიგებში."ლა ლიგაში" პიპიტამ 140 შეხვედრა ჩაატარა და 81 გოლის შეგდებაც მოახერხა, რაც უდაოდ კარგი შედეგია. პირველ ადგილს მოგებული მატჩების მიხედვით იკერ კასილასი იკავებს, რომელსაც "თეთრების" რიგებში 227 მოგება აქვს ნაზეიმები. დღევანდელი შემადგენლობიდან, მეორე ადგილს სწორედ გონსალო იკავებს, ხოლო მესამე პოზიციას მარსელო სჯერდება, რომლის აქტივშიც 97 გამარჯვებაა.