როგორც იცით, მადრიდის "რეალი" შეუდარებელია მიმდინარე წელს ჩემპიონთა ლიგაზე. "მერენგთა" ანგარიშზე 4 გამარჯვებაა, 10 გატანილი გოლი და არცერთი გაშვებული ბურთი საკუთარ კარში.

მადრიდის "რეალს" ამგვარი შედეგი არ ჰქონია. 109 წლიანი ისტორიის მანძილზე, მათ პირველად ითამაშეს ისე, როგორც ეს ზემოთ არის ნაჩვენები. შესაძლოა "სამეფო" კლუბმა რეკორდი დაამყაროს, იმ შემთხვევაში, თუ "ლოს ბლანკოსი" არცერთ გოლს არ გაუშვებს ლიგის ჯგუფურ ეტაპზე. ამ მხრივ საუკეთესო მაჩვენებლები აქვთ "მანჩესტერ იუნაიტედს", "ვილიარეალს", "ლივერპულს", "ჩელსის", "იუვენტუსს" და "აიაქსს", მათ ანგარიშზე 1 გაშვებული ბურთია და შესაბამისად მადრიდელებს შესანიშნავი შანსი ეძლევათ იმისათვის, რომ დაამყარონ მორიგი რეკორდი.