გავრცელდა კიდევ ერთი ინფორმაცია, მაურინიოს "საფეხბურთო მადის" შესახებ. როგორც ბრიტანული "სქაისპორტი" იუწყება, ამჯერად მადრიდელთა თავკაცი ახალგაზრდა ტალანტიების ძიების პროცესშია. მოუ იმდენად მოწადინებულია ახალი თაობის აღმოჩენით, რომ მის თვალებს არ გამორჩა პერუელი თინეიჯერის ენდი პოლოს თამაში. ენდი 17 წლის თავდამსხმელი გახლავთ და თავისივე ქვეყნის კლუბის "უნივერსიტარიო დეპორტესის" ღირსებას იცავს. როგორც ჟურნალისტი ირწმუნება 2011 წლის იანვრიდან მასზე დაკვირვება ხორციელდება "რეალის" მესვეურების მიერ და არაა გამორიცხული, პოლომ ზამთარში თავი პერუდან ესპანეთში ამოჰყოს. მიმდინარე სეზონში მისი პირადი ანგარიში 3 გოლს ითვლის. ასევე 3 გოლი აქვს გატანილი ახალგაზრდული ნაკრების შემადგენლობაშიც, სულ რაღაც 4 თამაშში. ასევე ჟურნალისტის თქმით მადრიდელებს მისი ტრანსფერი სულ რაღაც მილიონი ევრო დაუჯდებათ. თუ რამდენად სწორია ეს ინფორმაცია ამას სულ მალე შევიტყობთ და იმედი ვიქონიოთ, რომ მოუ სწორ არჩევანს გააკეთებს და გუნდს კიდევ უფრო მეტ სისწრაფეს შესძენს, ახალგაზრდა ტალანტების სახით.


წყარო: Skysports.com������� dle 10.1������� ������� ������