გავრცელდა ინფორმაცია, რომლის მიხედვითაც "მადრიდის რეალის" გულშემატკივართა კლუბი, უმორჩილესად სთხოვს კლუბის პრეზიდენტსა და ყოფილ მწვრთნელ ვისენტე დელ ბოსკეს (მადრიდელთა კეთილი ბაბუ), რომ დასხდნენ მოლაპარაკების მაგიდასთან და გადატვირთონ მათი დაძაბული ურთიერთობა. "რეალისტთა" ფან კლუბი გამოთქვამს სურვილს და აცხადებს : "მართალია ეს პირადული და ძალიან დელიკატური საკითხია, მაგრამ ჩვენ მოხარულნი ვიქნებით, თუ ისინი გადაწყვეტენ მოლაპარაკების მაგიდას მიუსხდნენ და ერთხელ და სამუდამოდ გაარკვიონ ურთიერთობა."
შეგახსენებთ, რომ მათ შორის ურთიერთობა 2003 წლიდან დაიძაბა. დელ ბოსკეს შესანიშნავი მიღწევების და გაწეული უზარმაზარი სამუშაოს მიუხედავად კლუბში, ის მაინც მოხსნილ იქნა "სამეფო კლუბის" თავკაცის პოსტიდან. ფლორენტინოს მიერ გადადგმული ეს ნაბიჯი დღესაც ითვლება მის უდიდეს შეცდომად, მთელი მისი მოღვაწეობის მანძილზე გუნდში. "მადრიდისტები" მოუთმენლად ელოდებიან მათ შეხვედრას.


წყარო: Marca.com������� dle 10.1������� ������� ������