მოგეხსენებათ, სამეფო კლუბში პრობლემებია. გუნდს რამდენიმე ძირითადი შემადგენლობის მოთამაშე აკლია. კლეპერ პეპე, რიკარდო კარვალიო, ფაბიო კოენტრაო და ახლა უკვე კარიმ ბენზემა, რომელსაც დაზიანება აქვს და მინიმუმ 10 დღის მანძილზე ვერ შეძლებს ვარჯიშს...

ფრანგი ფორვარდის ტრავმამ ჟოზეს საფიქრალი გაუჩინა, მაგრამ მას სათადარიგოთა სკამზე გონსალო იგუაინი ჰყავს, რომელიც თანდათანობით სასურველ კონდიციაში ჩადგომას ახერხებს, სანამ კარიმი დაბრუნდება პიპიტას საკუთარი ძალების დამტკიცების შანსი აქვს, არგენტინელმა შემტევმა მაქსიმუმი უნდა გააკეთოს იმასთვის რომ სასტარტო თერთმეტეულში საკუთარი ადგილი დაიბრუნოს.

მიმდინარე სეზონი ბენზემამ კარგად დაიწყო და პორტუგალიელი მწვრთნელის ნდობაც დაიმსახურა, ახლა კი გონსალო ჯერია, რომელსაც ცოტა სათამაშო დრო ეძლევა. პიპიტამ სეზონის სტარტიდან დღემდე მხოლოდ 128 წუთი ითამაშა, დამეთანხმებით არგენტინელისთვის ეს მაჩვენებელი ძალიან დაბალია.

აღსანიშნავია, რომ იგუაინს "ესპანიოლის" წინააღმდეგ კარგი სტატისტიკა აქვს. 8 გამართულ შეხვედრაში არგენტინელის ანგარიშზე 4 გოლია. ამასთანავე ისიც უნდა გავითვალისწინოთ, რომ კატალონიელთა წინააღმდეგ გონსალო მუდმივად სასტარტოში არ თამაშობდა.

მიმდინარე გათამაშებაში პიპიტამ 2 გოლი გაიტანა, არგენტინელმა ერთხელ ხეტაფეს კარი აიღო, მეორედ რაიო ვალეკანოს.������� dle 10.1������� ������� ������