ხაბი და მიკელ ალონსო, რომლებიც ლეგენდარული რეალ სოსეიდადის ფებხურთელის პერიკო ალონსოს შვილები არიან, პირველად "დაუპირისპირდნენ" ერთმანეთს, რისი მიზეზიც მადრიდის რეალისა და ტენერიფეს შეხვედრა გახლდათ.

ორივე მათგანი რეალ სოსეიდადის აკადემიაში გაიზარდა, სადაც ერთად თამაშობდნენ 2001 წლიდან 2004 წლამდე. ამ წელს ხაბი გადავიდა ლივერპულში, ხოლო მიკელი კი იქვე დარჩა 2007 წლამდე. 2007 წელს მიკელი ჩაირიცხა ბოლტონის რიგებში. მიუხედავად იმისა, რომ ორივე ძმა პრემიერ ლიგაში გამოდიოდა, მათ არ ქონიათ საშუალება ერთმანეთის საწინააღმდეგოდ ეთამაშათ. შემდეგ მიკელი დაბრუნდა ესპანეთში, კერძოდ კი ნუმანსიის რიგებში, საიდანაც , წინა სეზონის ზამთრის სატრანსფერო ფანჯრის დროს , აღმოჩნდა ტენერიფეში. ის დაეხმარა კლუბს ესპანეთის უმაღლეს დივიზიონში გადასვლისას. ამავდროულად , ხაბი ალონსო ლივერპულში მნიშვნელოვანი ფეხბურთელი გახდა, ასევე იყო ესპანეთის ნაკრების შემადგენლობაში, სადაც მან მოიგო ევრო 2008.

წყარო: Realmadrid.com