ესპანეთში გაფიცვა გრძელდება.ფეხბურთელების დიდი ნაწილი თამაშზე უარს აცხადებს. "ლა ლიგის" ფედერაცია და ფეხბურთელთა კავშირი შეთანხმებას ვერ აღწევს და შესაბამისად ძალიან დიდი შანსია იმისა,რომ "პრიმერას" მეორე ტურიც გადაიდოს.

ორი მხარის წარმომადგენლები დღეს შეხვდებიან და სავარაუდოდ ყველა პრობლემურ საკითხს მოაგვარებენ. წინასწარი ინფორმაციით მათ უნდა დაადგინონ "პრიმერასა" და "სეგუნდას" დაწყების თარიღები. ასევე უნდა შეათანხმონ გადადებული ტურების თარიღებიც.

ლუის გილი - ფეხბურთელთა კავშირის პრეზიდენტი:

"პრობლემა უდიდესია. მესმის,რომ ხალხს ფეხბურთის ყურება უნდა, მაგრამ იმ ფეხბურთელებზეც ხომ უნდა ვიფიქროთ,რომლებიც ცუდ მდგომარეობაში არიან? ძალიან მინდა,რომ ოპტიმისტურად ვიყო განწყობილი, მაგრამ შექმნილი სიტუაცია ამის საშუალებას არ მაძლევს. გაფიცვა გაგრძელდება, სანამ რამეზე არ შევთანხმდებით. ფედერაციიდან ახალი წინადადება მივიღეთ, ახლა მას განვიხილავთ და ვნახოთ რა იქნება..."

ლუის ასტიზარანი - "ლა ლიგის" ფედერაციის პრეზიდენტი:

"ძალიან ცუდია,რომ გაფიცვა გრძელდება. ახლა მოლაპარაკებებს ვაგრძელებთ და რამდენიმე წინადადება წარვუდგინეთ მათ. ჩვენ ვაჩვენეთ,რომ შეთანხმების მიღწევა გვინდა, ახლა ჯერ იმათზეა..."


შეგახსენებთ,რომ "პრიმერას" პირველი ტური გადაიდო. სავარაუდოდ იგი 28-29 დეკემბერს ჩატარდება. ჯერ მეორე ტურის თარიღი უცნობია..
������� dle 10.1������� ������� ������