"რეალმა" 7 წლის არგენტინელი გაიფორმა
მადრიდის "რეალს" საკუთარი "კანტერის" გაძლიერება სურს, სწორედ ამიტომ ისინი ეძებენ ახალგაზრდა ტალანტებს მსოფლიო მასშტაბით. ამ პროექტის ფარგლებში "რეალმა" 7 წლის არგენტინელი ნახევარმცველი, ლიონელ ანხელ კოირა დაიმატა.
არგენტინელი ლიონელ ანხელ კოირა "რეალის" "კანტერის" უკანასკნელი "გამაგრებაა", 7 წლის ფეხბურთელი უკვე "რეალის" ისტორიაში შევიდა - ის "კანტერის" ყველაზე ახალგაზრდა ტრანსფერია. ლიონელის მამა კმაყოფილია ფეხბურთით, რომელსაც მისი შვილი აჩვენებს: "ის კარგად თამაშობს, ამას ვამბობ, როგორც მამა, განსაკუთრებით მომწონს, თუ როგორ მართავს ის ბურთს"
"ჩემი ოცნება "რეალის" პირველ გუნდში თამაშია" - აცხადებს თავად ფეხბურთელი.
6 სექტემბერს ის ახალ თანაგუნდელებს შეხვდება და ჩვეულებრივ გააგრძელებს ფეხბურთისაგან სიამოვნების მიღებას. ლიონელი არ მალავს, რომ მისი კერპი მესია.
სტატია მომზადებულია DefensaCentral.Com - ზე დაყრდნობით
- 6 აგვისტო 2011
- 2780
