მატჩი "რეალის" სრული უპირატესობით წარიმართა და შესაბამისად ეს ანგარიშზეც აისახა. მადრიდისტებმა 7-1 დაამარცხეს ჩინური "გუანჯოუ".

7'- კრიშტიანო რონალდომ ქარიმ ბენზემას შესანიშნავი გადაცემა გაუკეთა შეტევის მარცხენა ფლანგზე, ფრანგიც ძალიან კარგად გაიჭრა საჯარიმოსკენ, შემდეგ რბილად ბურთი ჩააგდო კარის გასწვრივ, აქ ყველას ხედირამ აჯობა და მეკარეს შანსი არ დაუტოვა თავური დარტყმით.

31' - მესუთ ოზილი მეკარესთან პირისპირ დარჩა. როცა ყველას, მათ შორის "გუანჯოუს" კიპერსაც ეგონა,რომ მესუთი პასს გააკეთებდა, იგი სულ სხვა მიმართულებით გაიჭრა და შემდეგ ცარიელ კარში გოლის გატანა აღარ გაჭირვებია.

39' - კრიშტიანო რონალდომ ულამაზესი პასით,რომელიც მან ქუსლით გააკეთა, ბენზემა პირისპირ დატოვა, ფრანგმა ფორვარდმაც დარტყმა უზადოდ შეასრულა და ბურთი კარის ბადეში გახვია.

50' - ფლანგზე გაჭრილმა მარსელომ საჯარიმოში ბურთი ჩააწოდა, პირველი ბურთთან ბენზემა აღმოჩნდა,რომელმაც კარში ერთი შეხებით დაარტყა და გოლიც გაიტანა.

57' - ბევრი მცდელობისა და უამრავი გაცუდებული მომენტების შემდეგ კრიშტიანომ ქუსლით გაიტანა ულამაზესი გოლი.

71' - დი მარაიმ აღმაფრთოვანებელი გარღვევა განახორციელა მარჯვენა ფლანგიდან, შემდეგ ულამაზესი გადაცემა და არანაკლებ ლამაზი გოლი მოედანზე რამდენიმე წამის წინ შემოსული ხესედან მკერდით.

85' - ანხელ დი მარიამ ფინტების კასკადი შემოგვთავაზა და მეკარეს შანსი არ დაუტოვა.

88' - ჩინელმა იან გუ ჰუმ შესანიშნავად ითამაშა, მან ადანი ერთი მოძრაობით ჩამოიტოვა და პრესტიჟის გოლიც გაიტანა.