ვარანე : "იმედი მაქვს იეროსნაირი წარმატებული ვიქნები"
რაფაელ ვარანემ ჟურნალისტებთან ინტერვიუში რამდენიმე თემა მიმოიხილა და განაცხადა, რომ "რეალში" დიდი წარმატებების იმედი აქვს.
"სამეფო კლუბი სწორედ ის ადგილია, სადაც შეიძლება შენი შესაძლებლობების მაქსიმუმს მიაღწიო და ნამდვილი ვარსკვლავი გახდე. აქ იმისთვის ვარ, რომ მწვრთნელის თითოეული დარიგება მოვისმინო და გავითვალისწინო."
"რეალში დიდი მუშაობის და ძალისხმევის შედეგად მოვხვდი და ზუსტად იგივეს გაგრძელებაა საჭირო, თავდადებული შრომით შედეგი აუცილებლად მოვა, არ ვაპირებ გაჩერებას, ჩემი პროგრესი თვალნათლივი უნდა გახდეს."
"ბევრი რამე გამიგია ფერნანდო იეროს შესახებ, იგი "რეალისთვის" ძალიან ბევრს ნიშნავდა და ისტორიის მანძილზე ერთ-ერთი საუკეთესო იყო, მსურს, რომ მისნაირი კარიერა მოვიწყო და "ბლანკოსისთვის" შეუცვლელი გავხდე."
"როდესაც მადრიდში გადმოვბარგდი პირველი შეხვედრა ფლორენტინო პერესთან და მოურინიოსთან მქონდა, შემდეგ კი ფეხბურთლებთანაც შევედი კონტაქტში. ენის ბარიერი გადასალახი მაქვს და იმედია დროულად შევძლებ ესპანურად მეტყველებას, ყველა თანაგუნდელი, განსაკუთრებით შაჰინი და ბენზემა მეხმარებიან ადაპტირებაში."
- 19 ივლისი 2011
- 2280
